तेह्रथुमको छथर गाउँपालिकाको शुक्रबार बसेको कार्यपालिका बैठकले छथर गाउँपालिकाको माध्यमिक शिक्षा ऐन बमोजिम जनप्रतिनिधि,शिक्षक कर्मचारीका छोराछोरी सामुदायिक विद्यालयमा पठनपाठन गराउने र सोको नियमन गर्ने निर्णय गरेको छ ।
कार्यपालिका बैठकले आर्थिक वर्ष २०८१/०८२को निर्माण कार्यका लागि जिल्ला दर रेट र मोरङ दररेटको प्रयोग गरि कार्यन्वयन गरिने , पालिका गानलाई पुर्ण रुपमा कार्यन्वयनमा ल्याउने सबै विद्यालयहरुमा उपलब्ध गराउने ,गाउँपालिका अध्यक्ष कप खेलकुद प्रतियोगिता २०८१ तथा ऐतिहासिक भद्राैरे पुर्णमा मेला व्यवस्थित तरिकाले भव्यताका साथ सम्पन्न गर्ने र सरकारी कार्यालय र विद्यालयहरुमा सजावट र आकर्षण देखिने बोट बिरुवा रोपण कार्यलाई अभियानको रुपमा अगाडि बढाउने निर्णय गरेको गरेको छथर गाउँपालिकाका प्रवक्ता राजन नेपालीले बताउनुभयो ।
कार्यपालिका बैठक स्थानीय सरकारका प्रमुख सन्तवीर लिम्बु(सन्तोष तिगेला) को अध्यक्षतामा सम्पन्न भएको हो ।
