सुनको मूल्यले लगातार नयाँ रेकर्ड बनाइरहेको छ ।आइतबार नेपाली बजारमा सुनको भाउ प्रतितोला १ लाख ६५ हजार रुपैयाँ पुगेको छ । अघिल्लो दिनको तुलनामा यो ६ सय रुपैयाँ बढी हो । नेपाल सुनचाँदी व्यवसायी महासंघका अनुसार आज छापावाला सुन १ लाख ६५ हजार रुपैयाँमा कारोबार भइरहेको छ । यो मूल्य हालसम्मकै उच्च हो। यसअघि गत शुक्रबार सुन तोलामा १ लाख ६४ हजार ४ सय रुपैयाँमा कारोबार भएको थियो । यस्तै, आज चाँदीको मूल्य पनि तोलामा ९५ रुपैयाँले बढेर २ हजार ७५ रुपैयाँमा कायम भएको छ। यो चाँदीको हालसम्मकै उच्च मूल्य हो। गत शुक्रबार चाँदी तोलाको १ हजार ९८० रुपैयाँमा कारोबार भएको थियो ।
