राष्ट्रिय जनसास्कृतिक महासङ्घ जिल्ला कमिटी तेह्रथुमको आठौं जिल्ला अधिवेशन सम्पन्न भएको छ । बिहिवार नेकपा एमाले जिल्ला पार्टी कार्यालयमा सम्पन्न अधिवेशनमा पार्टी नेतृत्वहरु सहित महासङ्घ केन्द्रीय सदस्य तथा नेकपा एमाले जिल्ला कमिटी उपाध्यक्ष सन्तोष तिगेला , महासङ्घ कोशी प्रदेश उपाध्यक्ष हेमराज अधिकारी लगायत विभिन्न पालिकाबाट प्रतिनिधिहरुको उपस्थिति रहेको थियो । अधिवेशनले रोशन खुलालको अध्यक्षतामा १९ सदस्यीय कमिटी निर्वाचित गरेको छ । कमिटीको उपाध्यक्षमा युवराज भट्टराई, महिला उपाध्यक्षमा राधिका ढुंगाना, सचिव जानुका अधिकारी, सहसचिब डिबी लिम्बू, कोषाध्यक्ष सुनिता गुरुङ र सहकोषाध्यक्षमा ज्ञानु तामाङ रहनुभएको निवर्तमान जिल्ला इन्चार्ज हेमराज अधिकारीले वताउनु भयो । अधिवेशनमा पार्टी नेता तथा महासङ्घ नेताहरुले बधाई तथा शुभकामना ब्यक्त गर्नुभएको थियो । साथै महासङ्घको कोशी प्रदेश अधिवेशनका लागी जिल्लाबाट प्रतिनिधि समेत छनोट गरिएको नव निर्वाचित अध्यक्ष खुलालले जानकारी दिनुभयो ।
